Басшылық

 

Басқарма Төрағасының міндетін атқарушы

Күзенбаев Ермек Бақытұлы

Күзенбаев Ермек Бақытұлы 1985 жылы ОҚО, Қазықұрт ауданы Жаңабазар ауылында дүниеге келген.

2003 жылы Елшібек батыр атындағы мектеп-лицейді үздік аяқтады.

2007 жылы Қ.А.Ясауи атындағы Халықаралық қазақ-түрік университетін «Мемлекеттік және жергілікті басқару»мамандығы бойынша аяқтады.

Еңбек жолын 2008 жылы ҚР Экономика жыне бюджеттік жоспарлау министрлігі Әлеуметтік саланы дамыту департаментінің Білім мен ғылымды дамыту басқармасының сарапшысы және бас сарапшысы лауазымынан бастады.

Кейін ҚР Экономика жыне бюджеттік жоспарлау министрлігі Әлеуметтік саясат және мемлекеттік органдарды дамыту департаментінің Әлеуметтік саясат басқармасын және Білім, ғылым, мәдениет және спорт басқармасын басқарды. Бюджеттік саясат және орындаушылық есептілік, бюджеттік жоспарлау және бюджеттік талдау жүйесі мәселелерімен айналысқан. Ол басым республикалық бюджеттік инвестициялар тізімін жинақтауға, білім және ғылым салаларына жергілікті бюджеттік инвестицияларды жүзеге асыруға республикалық бюджеттен нысаналы трансферлерді бөлуге, 2011 – 2020 жылдарға арналған мемлекеттік бағдарламаны, 2010-2014 жылдарға арналған «Балапан» бағдарламасын әзірлеуге қатысты, білім, ғылым және жастар саясаты саласындағы бағдарламалық құжаттарды жүзеге асыру мониторингісін және бағалауын жүргізді.

Сонымен қатар «Кәсіпқор» холдингі» КЕАҚ Жобаларды басқару департаментінің бас менеджері қызметін атқарды. Холдингтің серіктестерімен жұмыс жасап, техникалық және кәсіптік білім беру (ТжКБ) жүйесінің дамуына талдау жасап, оны жетілдірді, ТжКБ оқу орнын құру бойынша қызмет етті.

2014 жылғы шілде айынан бастап «Атырау қаласындағы кадрларды даярлау, қайта даярлау және біліктілікті арттыру жөніндегі өңіраралық кәсіптік орталығы (колледж)» ЖШС директоры лауазымына тағайындалды.

2015 жылғы сәуір айынан бастап «APEC Petrotechnic жоғары техникалық колледжі» ЖШС директоры болды.

2018 жылғы қараша айынан бастап «Кәсіпқор» холдингі» коммерциялық емес акционерлік қоғамы Басқарма төрағасының міндетін атқарушысы болып тағайындалды.

 

bimendina

Басқарма Төрағасының Орынбасары

Бимендина Әсима Темкенқызы

Омск педагогикалық институтын аяқтады.

Еңбек жолын 1977 жылдан бастап Омск облысының Павлоград ауданының Логинов орта мектебінде мұғалім болып бастады. Мектеп директорының орынбасары болып қызмет атқарды.

1979 – 1983 жылдар аралығында Омск облысының Павлоград райком комсомолының хатшысы, бірінші хатшысы болып жұмыс атқарды.

1983-1986 жылдар аралығында – Солтүстік Қазақстан обком комсомолының нұсқаушысы, Солтүстік Қазақстан Джамбул райком комсомолының бірінші хатшысы.

1986-1993 жылдар аралығында – Солтүстік Қазақстан облысының Джамбул, Возвышенка райком партиясының нұсқаушысы.

1993-1997 жылдар аралығында – Солтүстік Қазақстан облысының Возвышенка аудан әкімі аппаратының бөлім меңгерушісі.

1997-1998 жылдар аралығында – ҚР СҚО Білім департаментінің бас маманы.

1998-2002 жылдар аралығында – Астана қ. «Алматы» ауданы әкімшілігінің бас маманы, бөлім меңгерушісі, әкім орынбасары.

2002-2003 жылдар аралығында – Астана қ. Ішкі саясат департамент директорының орынбасары.

2003-2006 жылдар аралығында –  Астана қ. «Алматы» аудан әкімінің орынбасары.

2006-2013 жылдар аралығында – Астана қ. Білім басқармасының басшысы.

2013-2016 жылдар аралығында – ҚР Парламент Мәжілісінің 5 шақырылым депутаты.

2016 жылдан бастап – «Кәсіпқор» холдингі» КЕАҚ Басқарма Төрағасының орынбасары.

«Құрмет» орденімен, «Қазақстан Республикасының Тәуелсіздігіне 10 жыл», «Астананың 10 жылдығы», «Қазақстан Республикасының Тәуелсіздігіне 20 жыл» мерей-той медальдарымен, «Қазақстан Республикасының білім беру ісінің құрметті қызметкері» төсбелгісімен, Ы. Алтынсарин атындағы медальмен марапатталды.

 

 

 

ahmetova

Басқарма Төрағасының Орынбасары 

Ахметова Айжан Төлеуқызы

2005 жылы Шығыс Қазақстан мемлекеттік университетін «Мемлекеттік басқару» мамандығы бойынша аяқтады. 2008 жылы «Болашақ» Президент бағдарламасы бойынша АҚШ, Monterey Institute of International Studies магистратураны аяқтады.

Еңбек жолын 2006 жылы Шығыс Қазақстан облысының құрылыс департаменті МҰ қаржы-келісім бөлімінің басты маманы болып бастады. 2008 жылдың тамыз айынан бастап ШҚО бюджеттік жоспарлау және экономика басқармасының инвестициялық саясат бөлімінің бас маманы болып жұмыс атқарды. 2009 жылдың қаңтар айынан бастап «ШҚО кәсіпкерлігі мен өнеркәсібі басқармасы» МҰ инвестицияларды тарту бойынша бөлімнің бас маманы болды.  2009 жылдың ақпан айынан бастап Астана қ. мемлекеттік басқару департаментінің сарапшы-талдаушысы, бюджеттік жүйе департаментінің жоба менеджері, «Үкіметке қарасты Ұлттық талдау орталығы және ҚР Ұлттық банкі» АҚ мемлекеттік басқарма департаментінің жоба менеджері болып қызметтер атқарды.

«Кәсіпқор» холдингі» КЕАҚ-да 2011 жылдан бастап Жобаларды басқару департаментінің директоры, 2014 жылдың сәуір айынан бастап – «Кәсіпқор» холдингі» КЕАҚ Басқарма Төрағасының орынбасары.